വിമാനം ലാന്‍ഡിങ്ങിന് തയാറെടുക്കുന്ന സമയത്ത് സൈറയുടെ അടുത്തെത്താന്‍ കഴിയുമായിരുന്നില്ല; നടി സൈറ വസീം പീഡനത്തിനിരയായ സംഭവത്തില്‍ വിശദീകരണവുമായി വിസ്താര എയര്‍ലൈന്‍സ്

ന്യൂഡല്‍ഹി: മുംബൈ-ഡല്‍ഹി വിമാനത്തില്‍ ബോളിവുഡ് യുവനടി സൈറ വസീം പീഡനത്തിനിരയായ സംഭവത്തില്‍ വിശദീകരണവുമായി വിസ്താര എയര്‍ലൈന്‍സ് അധികൃതര്‍. വിമാനത്തിന്റെ ലാന്‍ഡിങ് സമയത്താണ് തന്നെ ഉപദ്രവിച്ച യാത്രക്കാരനെതിരെ സൈറ പ്രതികരിച്ചത്. വിമാനം ലാന്‍ഡിങ്ങിന് തയാറെടുക്കുന്ന സമയത്ത് സൈറയുടെ അടുത്തെത്താന്‍ വിമാന ജീവനക്കാര്‍ക്ക് സാധിക്കുമായിരുന്നില്ല. വിമാനം ലാന്‍ഡ് ചെയ്തയുടന്‍ ജീവനക്കാര്‍ സൈറയുടെ അടുത്തെത്തി സംഭവത്തെ കുറിച്ച് അന്വേഷിച്ചു. പരാതി നല്‍കണോയെന്ന് സൈറയോട് ചോദിച്ചുവെങ്കിലും വേണ്ടെന്നാണ് അവര്‍ പറഞ്ഞതെന്നു എയര്‍ വിസ്താര അറിയിച്ചു. സൈറയുടെ ആരോപണങ്ങളുടെ അടിസ്ഥാനത്തില്‍ സംഭവത്തെ കുറിച്ച് വിശദമായ അന്വേഷണം ആരംഭിച്ചതായി വിസ്താര വ്യക്തമാക്കിയതായി വാര്‍ത്ത എജന്‍സിയായ എ.എന്‍.ഐ റിപ്പോര്‍ട്ട് ചെയ്തു. വിമാനയാത്രക്കിടെ പീഡനത്തിരയായെന്ന ആരോപണം ഇന്‍സ്റ്റഗ്രാമിലൂടെയാണ് സൈറ ഉയര്‍ത്തിയത്. വിമാനത്തില്‍ പാതിയുറക്കത്തിലിരിക്കെ സൈറയുടെ പിറകിലും കഴുത്തിലും പിന്നിലെ സീറ്റിലിരുന്നയാള്‍ കാലു കൊണ്ട് ഉരസിയെന്നാണ് പരാതി.  

Read More

പഴയ ഊര്‍ജ്ജം തനിക്കില്ലെന്ന് മെസി; ശരീരത്തിന്റെ തളര്‍ച്ച മനസിലാക്കി തുടങ്ങിയിരിക്കുന്നു

കഴിഞ്ഞ രണ്ടു ചാമ്പ്യന്‍സ് ലീഗ് മത്സരങ്ങളിലും ബാഴ്‌സലോണയുടെ ആദ്യ ഇലവനില്‍ തന്നെ ഉള്‍പ്പെടുത്താത്തിനോട് പ്രതികരിച്ച് ലയണല്‍ മെസി. ബെഞ്ചിലിരിക്കുന്നതില്‍ തനിക്കു യാതൊരു പ്രശ്‌നവുമില്ലെന്നും പഴയ ഊര്‍ജ്ജം തനിക്കില്ലെന്നും മെസി പറഞ്ഞു. അര്‍ജന്റീനിയന്‍ മാധ്യമം ടിവൈസി സ്‌പോര്‍ട്‌സിനു നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. കഴിഞ്ഞ സീസണില്‍ എന്റിക്വയുടെ കീഴില്‍ സീസണിലെ ഏറെക്കുറെ എല്ലാ മത്സരങ്ങളും മെസി കളിച്ചിരുന്നു. എന്നാല്‍ കഴിഞ്ഞ രണ്ടു ചാമ്പ്യന്‍സ് ലീഗ് മത്സരങ്ങളില്‍ വാല്‍വെര്‍ദേ താരത്തെ ബെഞ്ചിലിരുത്തിയതില്‍ ആരാധകര്‍ ആശങ്കയിലായിരുന്നു. ഇതിനെ പറ്റി ചോദിച്ചപ്പോഴാണ് മെസി ഇതു പറഞ്ഞത്. സീസണ്‍ വളരെ വലുതാണെന്നും അതു കൊണ്ടു തന്നെ ഇത്തരം തീരുമാനങ്ങള്‍ താന്‍ അംഗീകരിക്കുന്നുവെന്നും മെസി പറഞ്ഞു. മുന്‍പ് എത്ര മത്സരങ്ങള്‍ കളിക്കാനും പ്രശ്‌നങ്ങള്‍ ഇല്ലായിരുന്നുവെന്നും എന്നാല്‍ ഇപ്പോള്‍ തന്റെ ശരീരത്തിന്റെ തളര്‍ച്ച താന്‍ മനസിലാക്കി തുടങ്ങിയിട്ടുണ്ടെന്നും മെസി വെളിപ്പെടുത്തി. വരാന്‍ പോകുന്ന ലോകകപ്പില്‍ അര്‍ജന്റീന…

Read More

പതിനാല് വര്‍ഷത്തിന് ശേഷം സുരഭിയിലൂടെ മലയാളത്തിന് മികച്ച നടിക്കുള്ള ദേശീയ പുരസ്‌കാരം

മിന്നാമിനുങ്ങിലെ മികച്ച പ്രകടനത്തിലൂടെ സുരഭിയെ തേടി മികച്ച നടിക്കുള്ള ദേശീയ പുരസ്‌കാരമെത്തുമ്പോള്‍ അത് മലയാളസിനിമയ്ക്ക് അഭിമാന നിമിഷമാണ്. നീണ്ട പതിനാല് വര്‍ഷത്തിന് ശേഷമാണ് മികച്ച നടിക്കുള്ള പുരസ്‌കാരം മലയാളത്തിന് ലഭിക്കുന്നത്. 2003-ല്‍ പാഠം ഒന്ന് ഒരു വിലാപം എന്ന ചിത്രത്തിലെ അഭിനയത്തിന് പുരസ്‌കാരം ലഭിച്ച മീരാ ജാസ്മിനാണ് മികച്ച നടിക്കുള്ള പുരസ്‌കാരം അവസാനം നേടിയ മലയാളി. ഇന്ത്യയിലെ ഏറ്റവും മികച്ച സിനിമകള്‍ ജനിക്കുന്നത് ബംഗാളിയിലും മലയാളത്തിലും തമിഴിലുമാണെന്ന് നിരൂപകര്‍ പ്രശംസിക്കാറുണ്ടെങ്കിലും മികച്ച നടിക്കുള്ള പുരസ്‌കാരം വളരെ അപൂര്‍വ്വമായി മാത്രമേ മലയാളത്തിന് ലഭിച്ചിട്ടുള്ളൂ. മികച്ച നടിക്കുള്ള പുരസ്‌കാരം നേടുന്ന ആറാമത്തെ മാത്രം മലയാളി നടിയാണ് സുരഭി. 1968ല്‍ തുലാഭാരം എന്ന ചിത്രത്തിലൂടെ ശാരദയാണ് ആദ്യം മികച്ച നടിക്കുള്ള പുരസ്‌കാരം മലയാളത്തില്‍ ആദ്യം എത്തിക്കുന്നത്. പിന്നീട് 1972-ല്‍ സ്വയംവരം എന്ന ചിത്രത്തിലൂടെ ശാരദ ഈ നേട്ടം ആവര്‍ത്തിച്ചു. പിന്നീട് നഖക്ഷതങ്ങള്‍…

Read More

മരിക്കുന്നതിന്റെ തലേദിവസം തിരുവനന്തപുരം പങ്കജ് ഹോട്ടലിലായിരുന്നു; ഉതിര്‍ന്നു കിടക്കുന്ന മുടി പിടിച്ചുവലിച്ച്

കൊച്ചി: മോനിഷ ഓര്‍മ്മയായിട്ട് 25 കൊല്ലമാകുകയാണ്. ഡിസംബര്‍ 25നായിരുന്നു മലയാളിയെ കരയിച്ച ആ വാഹനാപകടം. ഇന്നും ആദ്യ സിനിമയിലൂടെ ഉര്‍വ്വശി പട്ടം സ്വന്തമാക്കിയ മോനിഷയെ മലയാളി മറന്നിട്ടില്ല.കോഴിക്കോട് പന്ന്യങ്കര തട്ടകത്തു വനദുര്‍ഗയുടെ കടാക്ഷം കൊണ്ടു പിറന്നതാണു മോനിഷയെന്ന് അമ്മ ശ്രീദേവി ഉണ്ണി പറയും. ജനനം 1971 ജനുവരി 24, മകരത്തിലെ മൂലം നക്ഷത്രം. ദുര്‍ഗയെന്ന് ആദ്യം പേരുവിളിച്ചു. മോനിഷയെന്ന പേരിടലിനു പിന്നില്‍ ഒരു ഗ്ലാമര്‍ കഥയുണ്ട്. ഫെമിന മാസിക 1970ല്‍ ഒരു പേരിടല്‍ മല്‍സരം പ്രഖ്യാപിച്ചു. ഹെറള്‍ഡ് കാറായിരുന്നു സമ്മാനം. ‘എന്റെ ആഗ്രഹം’ എന്ന് അര്‍ഥം വരുന്ന മോനിഷ എന്ന പേരിട്ടതിനു ഒരു ബംഗാളി സ്ത്രീക്ക് സമ്മാനം ലഭിച്ചതു വായിച്ചപ്പോള്‍ തന്നെ ആ പേര് മനസില്‍ കുറിച്ചിട്ടിരുന്നു. അങ്ങനെ മകളുടെ ഓര്‍മ്മകളിലൂടെ സഞ്ചരിക്കുകയാണ് നടിയും നൃത്താധ്യാപികയുമായ ശ്രീദേവി ഉണ്ണി. രണ്ടര പതിറ്റാണ്ടു മുന്‍പാണ്. ബംഗളൂരു ഇന്ദിരാനഗര്‍ സെക്കന്‍ഡ്…

Read More

ദിലീപിനെതിരായ കുറ്റപത്രം അങ്കമാലി മജിസ്‌ട്രേറ്റ് കോടതി സ്വീകരിച്ചു

അങ്കമാലി: നടിയെ അക്രമിച്ച കേസില്‍ നടന്‍ ദിലീപിനെതിരായി പൊലീസ് സമര്‍പ്പിച്ച അനുബന്ധ കുറ്റപത്രം അങ്കമാലി മജിസ്‌ട്രേറ്റ് കോടതി സ്വീകരിച്ചു. ഈ കേസില്‍ മറ്റുപ്രതികളുടെ റിമാന്‍ഡ് കാലാവധി ഇന്ന് അവസാനിച്ചിരുന്നു. ഇവരെ ഹാജാരാക്കിയ സന്ദര്‍ഭത്തില്‍ അഭിഭാഷകരുടെ ആവശ്യ പ്രകാരമാണ് കുറ്റപത്രം സ്വീകരിച്ചത്. പരിശോധനക്ക് ശേഷമാണ് കോടതി കുറ്റപത്രം സ്വീകരിച്ചത്. ദിലീപ് ഉള്‍പ്പെടെയുള്ളവര്‍ക്ക് കോടതി ഉടന്‍ സമന്‍സ് അയക്കും. പ്രതികളെ വിളിച്ച് വരുത്തിയതിന് ശേഷമായിരിക്കും വിചാരണ നടപടികള്‍ക്കായി എറണാകുളം പ്രന്‍സിപ്പല്‍ സെഷന്‍സ് കോടതിയിലേക്ക് കുറ്റപത്രം കൈമാറുക. പ്രിന്‍സിപ്പല്‍ സെഷന്‍സ് ജഡ്ജിയാണ് കേസിന്റെ വിചാരണ ഏത് കോടതിയില്‍ നടത്തണമെന്ന അന്തിമ തീരുമാനം എടുക്കുക. കൃത്യത്തിന് ശേഷം ദിലീപ് നടിയെ പൊതുസമൂഹത്തിന് മുന്നില്‍ മോശക്കാരിയാക്കാന്‍ ശ്രമിച്ചുവെന്ന് കുറ്റപത്രത്തില്‍ പറയുന്നു. ഇതിന് സിനിമാമേഖലയിലെ പല പ്രമുഖരെയും ഉപയോഗപ്പെടുത്തി. താന്‍ നിരപരാധിയാണെന്ന് ദിലീപ് പ്രമുഖരെക്കൊണ്ട് പറയിപ്പിച്ചു. ഈ സ്വാധീനം ഉപയോഗിച്ചാണ് നടി ജാഗ്രത പാലിക്കണമായിരുന്നു എന്ന്…

Read More

നടനും നിര്‍മ്മാതാവുമായ ശശി കപൂര്‍ അന്തരിച്ചു

ന്യൂഡൽഹി: ബോളിവുഡിന്റെ പഴയകാല പ്രണയനായകൻ ശശി കപൂർ അന്തരിച്ചു. 79 വയസായിരുന്നു. വാർദ്ധക്യകാല അസുഖങ്ങളെ തുടർന്ന് മുംബൈയിലെ ആശുപത്രിയിൽ വച്ചായിരുന്നു ഇതിഹാസ താരത്തിന്റെ അന്ത്യം. സംസ്കാരം നാളെ നടക്കും. ബാലനടനായി സിനിമയിലെത്തിയ ശശി കപൂർ നായകനായും നിർമ്മാതാവായും സംവിധായകനായും ഇന്ത്യൻ സിനിമയ്‌ക്ക്  മികച്ച സംഭാവനകൾ നൽകി. 160ഓളം ചിത്രങ്ങളിൽ അഭിനയിച്ച ശശി കപൂർ ന്യൂഡൽഹി ടൈംസ് എന്ന ചിത്രത്തിലൂടെ മികച്ച നടനുള്ള ദേശീയ പുരസ്‌കാരത്തിന് അർഹനായിരുന്നു. മുഹാഫിസ് എന്ന ചിത്രത്തിലെ അഭിനയത്തിന് പ്രത്യേക പരാമർശവും ലഭിച്ചു. 2011ൽ പത്‌മഭൂഷൺ നൽകി രാജ്യം ആദരിച്ചു. 2014ൽ ദാദാ സാഹിബ് ഫാൽക്കെ അവാർഡ് ലഭിച്ചു. ദീവാർ, സത്യം ശിവം സുന്ദരം, തൃശൂൽ, കഭി കഭി തുടങ്ങിയ ഹിന്ദി ഹിറ്റ് സിനിമകളിലൂടെ നായക സങ്കൽപത്തിന് പുതിയ നിർവചനം നൽകിയ നടനാണ് ശശി കപൂർ. രാജ്‌കപൂർ, ഷമ്മി കപൂർ എന്നിവരുടെ ഇളയ സഹോദരനായ…

Read More

മല്യയെ കൈമാറല്‍ കേസ്: ഇന്ന് വാദം പുനരാരംഭിക്കും

ലണ്ടന്‍: വായ്പ തിരിച്ചടയ്ക്കാതെ ബാങ്കുകളെ കബളിപ്പിച്ചു ലണ്ടനിലേക്കു മുങ്ങിയ വ്യവസായി വിജയ്മല്യയെ ഇന്ത്യയിലേക്കു മടക്കി അയയ്ക്കുന്നതു സംബന്ധിച്ച കേസില്‍ വെസ്റ്റ്മിന്‍സ്റ്റര്‍ മജിസ്‌ട്രേട്ട് കോടതിയില്‍ ഇന്നു വാദം പുനരാരംഭിക്കും. മല്യയെ പാര്‍പ്പിക്കാന്‍ മുംബൈ ആര്‍തര്‍ റോഡ് ജയില്‍ തയാറാണെന്ന് ഇന്ത്യയ്ക്കുവേണ്ടി വാദിക്കുന്ന ക്രൗണ്‍ പ്രോസിക്യൂഷന്‍ സര്‍വീസ് (സിപിഎസ്) കോടതിയെ അറിയിക്കും. ഇന്ത്യന്‍ ജയിലുകള്‍ സുരക്ഷിതമല്ലെന്നും മനുഷ്യാവകാശ ലംഘനങ്ങള്‍ പതിവാണെന്നുമുള്ള മല്യയുടെ വാദത്തെ മറികടക്കാനാണ് ആര്‍തര്‍ റോഡ് ജയിലിലെ മികവുറ്റ സുരക്ഷാസംവിധാനങ്ങള്‍ ചൂണ്ടിക്കാട്ടിയുള്ള ഇന്ത്യയുടെ ശ്രമം. 17 ബാങ്കുകളില്‍നിന്നായി 9000 കോടി രൂപയുടെ വായ്പയെടുത്തു കടന്ന മല്യയ്ക്കായി ലണ്ടനിലെ മികച്ച അഭിഭാഷകരാണു ഹാജരാകുന്നത്. 14 വരെ വാദം തുടരുന്ന കേസില്‍ ഈ വര്‍ഷം അവസാനത്തോടെ വിധിയുണ്ടായേക്കും. വിധി മല്യയ്ക്ക് എതിരായാല്‍ രണ്ടുമാസത്തിനകം ഇന്ത്യയ്ക്കു വിട്ടുകൊടുക്കേണ്ടി വരും. എന്നാല്‍, മല്യയ്ക്ക് അപ്പീലിന് അവസരമുണ്ട്. ഇന്ത്യയും ബ്രിട്ടനും തമ്മില്‍ 1992 മുതല്‍ കുറ്റവാളി…

Read More

റോഡ് നിയമം പാലിക്കൂ; പൊലീസിന്റെ കൈയില്‍ നിന്നും റോസാപ്പൂ സമ്മാനമായി വാങ്ങാം

ട്രാഫിക് നിയമങ്ങള്‍ പാലിക്കുന്നവര്‍ക്ക് അംഗീകാരം നല്‍കാന്‍ ഒരു പുത്തന്‍ മാര്‍ഗ്ഗവുമായി എത്തിയിരിക്കുകയാണ് കര്‍ണ്ണാടക പൊലീസ്. റോഡ് നിയമങ്ങള്‍ പാലിക്കുന്നവര്‍ക്ക് ട്രാഫിക് പൊലീസിന്റെ വക ഒരു റോസാപൂവാണ് സമ്മാനം. കര്‍ണാടകയിലെ കലബുറാഗി ജില്ലാ പൊലീസാണ് നൂതനാശയവുമായി രംഗത്തെത്തിയത്. റോഡ് സുരക്ഷ ഉറപ്പാക്കുന്നതിനും നിയമങ്ങള്‍ കൃത്യമായി പാലിക്കുന്നതിനും പ്രോത്സാഹനം നല്‍കുകയാണ് പൊലീസ്. വടക്ക് കിഴക്കന്‍ മേഖല ഐജി അലോക് കുമാറിന്റെ നേതൃത്വത്തില്‍ ട്രാഫിക് നിയമങ്ങള്‍ ലംഘിക്കുന്നവര്‍ക്കെതിരെ കേസ് രജിസ്റ്റര്‍ ചെയ്യുകയും ഹെല്‍മറ്റ് ധരിച്ച് കൃത്യമായ നിയമങ്ങള്‍ പാലിച്ചവര്‍ക്ക് റോസാ പൂക്കള്‍ സമ്മാനിക്കുകയും ചെയ്തു. പദ്ധതിയെ ഏറെ കൗതുകത്തോടെയാണ് ജനങ്ങള്‍ സ്വീകരിച്ചത്. ട്രാഫിക് നിയമങ്ങള്‍ ലംഘിക്കുന്നത് മൂലം അപകടങ്ങള്‍ ഉണ്ടാകുന്ന മറ്റ് സംസ്ഥാനങ്ങളില്‍ ഇത്തരം ആശയങ്ങള്‍ പ്രാവര്‍ത്തികമാക്കാമെന്ന് ഉദ്യോഗസ്ഥര്‍ ചൂണ്ടിക്കാട്ടുന്നു.

Read More

ഔഡി കാറുകള്‍ക്ക് വീണ്ടും ഓഫര്‍; 7 ലക്ഷം രൂപ വരെയാണ് ഡിസ്‌കൗണ്ട്

ചരക്ക് സേവന നികുതിയുടെ പശ്ചാത്തലത്തില്‍ വീണ്ടും ഡിസ്‌കൗണ്ട് ഓഫറുകള്‍ ഒരുക്കി ഔഡി ഇന്ത്യ. ജൂലൈ ഒന്നിന് പ്രാബല്യത്തില്‍ വരുന്ന ജിഎസ്ടിയുടെ അടിസ്ഥാനത്തില്‍ A3, A4, A6, Q3 ഉള്‍പ്പെടുന്ന മോഡലുകള്‍ക്കാണ് ഔഡി ഇന്ത്യ പ്രീ-ജിഎസ്ടി ഡിസ്‌കൗണ്ട് നല്‍കുന്നത്. നിലവിലുള്ള കാറുകള്‍ക്ക് ജിഎസ്ടി നിരക്ക് ബാധകമാകുമോ എന്നതില്‍ ഇത് വരെയും വ്യക്തത ലഭിച്ചിട്ടില്ല. എന്നാല്‍ ജിഎസ്ടി പ്രാബല്യത്തില്‍ വരുന്നതിന് മുമ്പ് തന്നെ സ്റ്റോക്ക് ക്ലിയര്‍ ചെയ്യാനാണ് ഔഡി ഇന്ത്യയുടെ തീരുമാനം. നേരത്തെ കാറുകള്‍ക്ക് പ്രത്യേക സേവനങ്ങളും, വില്‍പനാനന്തര ഓഫറുകളും ഔഡി ഇന്ത്യ ലഭ്യമാക്കിയിരുന്നു. ഇതിന് പിന്നാലെയാണ് ഡീലര്‍ഷിപ്പുകളിലുള്ള കാറുകള്‍ക്ക് മേല്‍ ഡിസ്‌കൗണ്ട് ഓഫറുകള്‍ ഒരുക്കുന്നത്. ഓഫര്‍ പ്രകാരം, 32.20 ലക്ഷം രൂപ വിലയുള്ള ഔഡി A3 പ്രീമിയം പ്ലസ് TDI ഡീസല്‍ വേര്‍ഷന്‍, ഇനി 29.99 ലക്ഷം രൂപ വിലയിലാണ് ലഭ്യമാവുക (ഡല്‍ഹി എക്‌സ്‌ഷോറൂം വില). സമാനമായി A4,…

Read More

കുരുക്കഴിഞ്ഞു; എട്ടുകോടിയുടെ ‘മുപ്പത്തെട്ടടി വീരന്‍’ ഇനി നാട്ടിലേക്ക് മടങ്ങും

കൊച്ചി: കൊച്ചിക്കാര്‍ക്ക് കൗതുകമുണര്‍ത്തിയ എസ്‌കലേഡ് ലീമോസിന്‍ കാറിന് ഒടുവില്‍ കസ്റ്റംസ് അധികൃതരുടെ നിയമത്തിന്റെ നൂലാമാലകളില്‍ നിന്നും മോചനം. പഞ്ചാബ് സ്വദേശിയും ദുബൈയില്‍ ബിസിനസുകാരനുമായ ഗുരുദേവ് ഉദ്ദമാണു ദുബൈയിയില്‍ നിന്നും കൊച്ചി തുറമുഖം വഴി എട്ടുകോടിയോളം രൂപവരുന്ന കാഡിലാക്ക് എസ്‌കലേഡ് ലിമോസിന്‍ ഇറക്കുമതി ചെയ്തത്. 38 അടിനീളമുള്ള കാറില്‍ ഒരേസമയം 18 പേര്‍ക്കു സഞ്ചരിക്കാവുന്ന അത്യാഢംബര കാറാണിത്. പുറത്തിറങ്ങിയതിനു പിന്നാലെ ജനങ്ങളുടെ ശ്രദ്ധ പിടിച്ചുപറ്റി. വിദേശിയെ തൊട്ടു നോക്കാനും സെല്‍ഫിയെടുക്കാനും തിരക്കോടു തിരക്ക്. പാലാരിവട്ടത്ത് ഗുരുദേവ് താമസിച്ചിരുന്ന ഹോട്ടലിനു മുന്നില്‍ റോഡരുകില്‍ പാര്‍ക്ക് ചെയ്തിരുന്ന വാഹനം കാണാനും സെല്‍ഫിയെടുക്കാനുമൊക്കെയായി ആളുകള്‍ കൂടിയപ്പോള്‍ ചെറിയ ട്രാഫിക്ക് ബ്ലോക്കുമുണ്ടായി. അമേരിക്കയിലെ വാഹന നിര്‍മാതാക്കളായ ജനറല്‍ മോട്ടോഴ്‌സിന്റേതാണു കാഡ്‌ലാക്ക് എസ്‌ക്കലേഡ് ലിമോസിന്‍ മോഡല്‍. ഡ്രൈവര്‍ക്കു പ്രത്യേക ക്യാബിന്‍ സംവിധാനം കാറില്‍ ഉണ്ട്. കംപ്യൂട്ടര്‍, ടിവി, സൗണ്ടിംങ് മ്യൂസിക് സിസ്റ്റം, മിനി ബാര്‍, വാഷ്…

Read More