വിമാനം ലാന്‍ഡിങ്ങിന് തയാറെടുക്കുന്ന സമയത്ത് സൈറയുടെ അടുത്തെത്താന്‍ കഴിയുമായിരുന്നില്ല; നടി സൈറ വസീം പീഡനത്തിനിരയായ സംഭവത്തില്‍ വിശദീകരണവുമായി വിസ്താര എയര്‍ലൈന്‍സ്

ന്യൂഡല്‍ഹി: മുംബൈ-ഡല്‍ഹി വിമാനത്തില്‍ ബോളിവുഡ് യുവനടി സൈറ വസീം പീഡനത്തിനിരയായ സംഭവത്തില്‍ വിശദീകരണവുമായി വിസ്താര എയര്‍ലൈന്‍സ് അധികൃതര്‍. വിമാനത്തിന്റെ ലാന്‍ഡിങ് സമയത്താണ് തന്നെ ഉപദ്രവിച്ച യാത്രക്കാരനെതിരെ സൈറ പ്രതികരിച്ചത്. വിമാനം ലാന്‍ഡിങ്ങിന് തയാറെടുക്കുന്ന സമയത്ത് സൈറയുടെ അടുത്തെത്താന്‍ വിമാന ജീവനക്കാര്‍ക്ക് സാധിക്കുമായിരുന്നില്ല. വിമാനം ലാന്‍ഡ് ചെയ്തയുടന്‍ ജീവനക്കാര്‍ സൈറയുടെ അടുത്തെത്തി സംഭവത്തെ കുറിച്ച് അന്വേഷിച്ചു. പരാതി നല്‍കണോയെന്ന് സൈറയോട് ചോദിച്ചുവെങ്കിലും വേണ്ടെന്നാണ് അവര്‍ പറഞ്ഞതെന്നു എയര്‍ വിസ്താര അറിയിച്ചു. സൈറയുടെ ആരോപണങ്ങളുടെ അടിസ്ഥാനത്തില്‍ സംഭവത്തെ കുറിച്ച് വിശദമായ അന്വേഷണം ആരംഭിച്ചതായി വിസ്താര വ്യക്തമാക്കിയതായി വാര്‍ത്ത എജന്‍സിയായ എ.എന്‍.ഐ റിപ്പോര്‍ട്ട് ചെയ്തു. വിമാനയാത്രക്കിടെ പീഡനത്തിരയായെന്ന ആരോപണം ഇന്‍സ്റ്റഗ്രാമിലൂടെയാണ് സൈറ ഉയര്‍ത്തിയത്. വിമാനത്തില്‍ പാതിയുറക്കത്തിലിരിക്കെ സൈറയുടെ പിറകിലും കഴുത്തിലും പിന്നിലെ സീറ്റിലിരുന്നയാള്‍ കാലു കൊണ്ട് ഉരസിയെന്നാണ് പരാതി.  

Read More

ദിലീപിനെതിരായ കുറ്റപത്രം അങ്കമാലി മജിസ്‌ട്രേറ്റ് കോടതി സ്വീകരിച്ചു

അങ്കമാലി: നടിയെ അക്രമിച്ച കേസില്‍ നടന്‍ ദിലീപിനെതിരായി പൊലീസ് സമര്‍പ്പിച്ച അനുബന്ധ കുറ്റപത്രം അങ്കമാലി മജിസ്‌ട്രേറ്റ് കോടതി സ്വീകരിച്ചു. ഈ കേസില്‍ മറ്റുപ്രതികളുടെ റിമാന്‍ഡ് കാലാവധി ഇന്ന് അവസാനിച്ചിരുന്നു. ഇവരെ ഹാജാരാക്കിയ സന്ദര്‍ഭത്തില്‍ അഭിഭാഷകരുടെ ആവശ്യ പ്രകാരമാണ് കുറ്റപത്രം സ്വീകരിച്ചത്. പരിശോധനക്ക് ശേഷമാണ് കോടതി കുറ്റപത്രം സ്വീകരിച്ചത്. ദിലീപ് ഉള്‍പ്പെടെയുള്ളവര്‍ക്ക് കോടതി ഉടന്‍ സമന്‍സ് അയക്കും. പ്രതികളെ വിളിച്ച് വരുത്തിയതിന് ശേഷമായിരിക്കും വിചാരണ നടപടികള്‍ക്കായി എറണാകുളം പ്രന്‍സിപ്പല്‍ സെഷന്‍സ് കോടതിയിലേക്ക് കുറ്റപത്രം കൈമാറുക. പ്രിന്‍സിപ്പല്‍ സെഷന്‍സ് ജഡ്ജിയാണ് കേസിന്റെ വിചാരണ ഏത് കോടതിയില്‍ നടത്തണമെന്ന അന്തിമ തീരുമാനം എടുക്കുക. കൃത്യത്തിന് ശേഷം ദിലീപ് നടിയെ പൊതുസമൂഹത്തിന് മുന്നില്‍ മോശക്കാരിയാക്കാന്‍ ശ്രമിച്ചുവെന്ന് കുറ്റപത്രത്തില്‍ പറയുന്നു. ഇതിന് സിനിമാമേഖലയിലെ പല പ്രമുഖരെയും ഉപയോഗപ്പെടുത്തി. താന്‍ നിരപരാധിയാണെന്ന് ദിലീപ് പ്രമുഖരെക്കൊണ്ട് പറയിപ്പിച്ചു. ഈ സ്വാധീനം ഉപയോഗിച്ചാണ് നടി ജാഗ്രത പാലിക്കണമായിരുന്നു എന്ന്…

Read More

നടിയോട് ദിലീപിന് പകയുണ്ടാകാന്‍ എട്ടു കാരണങ്ങളുണ്ടെന്ന് കുറ്റപത്രം

നടിയെ ആക്രമിച്ച കേസില്‍ ക്വട്ടേഷന്‍ നല്‍കാന്‍ ദിലീപിന് നടിയോട് ശക്തമായ വൈരാഗ്യമുണ്ടായിരുന്നുവെന്ന് പോലീസ് കുറ്റപത്രത്തില്‍ പറയുന്നു.ദിലീപിനെ എട്ടാം പ്രതിയാക്കി കൊണ്ടുള്ള അനുബന്ധ കുറ്റപത്രം അങ്കമാലി മജിസ്‌ട്രേറ്റ് കോടതിയില്‍ ബുധനാഴ്ച ഉച്ച തിരിഞ്ഞാണ് പോലീസ് സമര്‍പ്പിച്ചത്.കുറ്റപത്രത്തിന്റെ അഞ്ച് പകര്‍പ്പുകളാണ് കോടതിയില്‍ നല്‍കിയത്.ദിലീപിന് അക്രമിക്കപ്പെട്ട നടിയോട് പകയുണ്ടായതിന് എട്ടു കാരണങ്ങളും കുറ്റപത്രത്തില്‍ പറയുന്നുണ്ട് ഇരയായ നടിയാണ് ഒന്നാം സാക്ഷി.മഞ്ജുവാര്യര്‍ 11 ഉം കാവ്യ 34 ഉം നടന്‍ സിദ്ദിഖ് 13 ാം സാക്ഷിയുമാണ് .കാവ്യയുടെ സഹോദര ഭാര്യ 57ാം സാക്ഷിയാണ് . ദിലീപിന് കാവ്യയുമായി ബന്ധമുള്ളതിന്റെ തെളിവ് അതിക്രമത്തിന് ഇരയായ നടി മഞ്ജുവിന് നല്‍കിയതാണ് വൈരാഗ്യത്തിന് കാരണമെന്ന് കുറ്റപത്രത്തില്‍ പറയുന്നുഅതിനിടെ നടിയെ ആക്രമിച്ച കേസിലെ കുറ്റപത്രം പോലീസ് ചോര്‍ത്തിയെന്ന ആരോപണവുമായി ദിലീപ് രംഗത്ത്.കുറ്റപത്രം കോടതിയില്‍ എത്തും മുമ്പ് മാധ്യമങ്ങള്‍ക്ക് ചോര്‍ത്തി നല്‍കിയതില്‍ ഗൂഢാലോചനയുണ്ടെന്ന് ആരോപിച്ച് ദിലീപ് കോടതിയെ സമീപിച്ചു

Read More