രാഹുൽ ഗാന്ധി എന്റെ കൂടി ബോസാണെന്ന് സോണിയാ ഗാന്ധി

രാഹുല്‍ ഗാന്ധി ഇപ്പോള്‍ തന്റെയും നേതാവാണെന്നും തന്റെ നേതാവില്‍ പൂര്‍ണ്ണ വിശ്വാസമുണ്ടെന്നും കോണ്‍ഗ്രസ് മുന്‍ അധ്യക്ഷ സോണിയാ ഗാന്ധി. കോണ്‍ഗ്രസ് പാര്‍ലമെന്ററി യോഗത്തിലാണ് സോണിയ ഗാന്ധിയുടെ പരാമര്‍ശം.   ”രാഹുല്‍ ഗാന്ധി ത​ന്റെ കൂടി ബോസാണ്, അക്കാര്യത്തില്‍ ഒരു സംശയവുമില്ല. നിങ്ങള്‍ എനിക്കൊപ്പം പ്രവര്‍ത്തിച്ച പോലെ സമര്‍പ്പണബോധത്തോടെയും വിശ്വാസ്യതയോടെയും ഉത്സാഹത്തോടെയും രാഹുലിനൊപ്പവും പ്രവര്‍ത്തിക്കുമെന്ന്​ പ്രതീക്ഷിക്കുന്നു”​- സോണിയ പറഞ്ഞു.   നിലവിലുള്ള സര്‍ക്കാര്‍ ഭരണത്തിലെത്തിയിട്ട് നാലുവര്‍ഷമാകുന്നു. പാര്‍ലമെന്റിനും നീതിന്യായ വ്യവസ്ഥക്കും മാധ്യമങ്ങള്‍ക്കും ജനങ്ങള്‍ക്കുമെതിരായ നടപടികളാണ് ഇതുവരെയുണ്ടായത്. അന്വേഷണ ഏജന്‍സികള്‍ പോലും രാഷ്ട്രീയ പാര്‍ട്ടികള്‍ക്കെതിരെ ഉപയോഗിക്കപ്പെടുകയാണെന്നും സോണിയാ ഗാന്ധി വിമര്‍ശിച്ചു.   2019 ലെ ലോക്സഭാ തെരഞ്ഞെടുപ്പിന് വേണ്ടി ഒരുങ്ങാന്‍ സോണിയ പാര്‍ട്ടി പ്രവര്‍ത്തകര്‍ക്ക് നിര്‍ദേശം നല്‍കി. അടുത്ത ലോക്സഭാ തെരഞ്ഞെടുപ്പില്‍ ബിജെപിയുടെ പരാജയം ഉറപ്പ് വരുത്തേണ്ടത് അനിവാര്യമാണ്.   കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്സണ്‍ എന്ന നിലയില്‍ ഇതിനായി…

Read More

അങ്ങേയറ്റം സാമ്പത്തിക പ്രതിസന്ധി നേരിടുന്ന സമയത്തുതന്നെ ഇത് വേണോ? എ കെ ജിയുടെ സ്മാരകത്തിന് ബജറ്റിൽ 10 കോടി വകയിരുത്തിയതിനെ വിമർശിച്ച് വി ടി ബൽറാം.

പാവങ്ങളുടെ പടത്തലവൻ എന്നറിയപ്പെടുന്ന എ കെ ജിയുടെ ജന്മ ഗ്രാമമായ പെരളശ്ശേരിയിൽ അദ്ദേഹത്തിൻറെ സ്മാരകം നിർമ്മിക്കുവാൻ സംസ്ഥാന ബജറ്റിൽ 10 കോടി വകയിരുത്തിയത് വീണ്ടും ചർച്ചകൾക്ക് വഴിവയ്ക്കുന്നു. എകെജിയെക്കുറിച്ച്‌ പത്നി സുശീല ഗോപാലന്‍ എഴുതിയ വരികള്‍ ഉദ്ധരിച്ചായിരുന്നു ധനമന്ത്രി സ്മാരകം നിര്‍മിക്കുമെന്ന പ്രഖ്യാപനം നടത്തിയത്. എ കെ ജി യുടെ സംഭാവന പുതിയ തലമുറ അറിയണമെന്നും മന്ത്രി പറഞ്ഞു.   സംസ്ഥാനത്ത് സാമ്പത്തിക പ്രതിസന്ധി ഉള്ളപ്പോള്‍ തന്നെ എ.കെ.ജിക്ക് സ്മാരകം പണിയണോ എന്ന് ഈയിടെ എ കെ ജി പരാമർശത്തിൽ വിമർശനങ്ങൾ ഏറ്റുവാങ്ങേണ്ടിവന്ന വി ടി ബല്‍റാം ഫേസ്ബുക്കിലൂടെ ചോദിച്ചു.   പുന്നപ്ര വയലാറില്‍ സ്മാരകത്തിനായി 10 കോടി വേറെയുമുണ്ട്. ഭരിക്കുന്ന സര്‍ക്കാരിന് അതിനെല്ലാം അധികാരമുണ്ടായിരിക്കാം, എന്നാല്‍ അങ്ങേയറ്റം സാമ്പത്തിക പ്രതിസന്ധി നേരിടുന്ന ഇക്കാലത്ത് ഇതിന്റെയെല്ലാം ഉദ്ദേശ്യശുദ്ധി ജനങ്ങളെ ബോധ്യപ്പെടുത്താന്‍ സര്‍ക്കാരിന് ഉത്തരവാദിത്തമുണ്ടെന്നും അദ്ദേഹം പറഞ്ഞു.  …

Read More

കേന്ദ്രബജറ്റിൽ അതൃപ്തി; ബി ജെ പി യുമായുള്ള സഖ്യം ടി ഡി പി അവസാനിപ്പിച്ചേക്കും

എൻ.ഡി.എ സഖ്യക്ഷിയായ ടി. ഡി. പി ബി.ജെ.പി നേതൃത്വവുമായി ഇടയുന്നു. മോദി സര്‍ക്കാരിന്റെ അവസാന ബജറ്റില്‍ ആന്ധ്രപ്രദേശിനെ അവഗണിച്ചതാണ് കാരണമായി കരുതുന്നത്.   ബജറ്റിനെതിരെ ടി ഡി പി രൂക്ഷവിമര്‍ശനം നടത്തിയിരുന്നു. ബി.ജെ.പിയുമായുള്ള സഖ്യം മുന്നോട്ടുകൊണ്ടുപോകുന്നത് സംബന്ധിച്ച് ചര്‍ച്ച ചെയ്യാന്‍ ഞായറാഴ്ച ചന്ദ്രബാബു നായിഡുവിന്റെ നേതൃത്വത്തില്‍ ടി.ഡി.പി യോഗം വിളിക്കുമെന്നാണ് സൂചന.   ഞങ്ങൾക്ക് മുന്നിൽ മൂന്ന് വഴികളാണുള്ളത്. ഒന്ന് ബിജെപിയുമായുള്ള സഖ്യത്തില്‍ തുടരുക, രണ്ട് എം.പിമാർ രാജിവെക്കുക, മൂന്ന് സഖ്യം വേണ്ടെന്ന് വെക്കുക.. ടിഡിപി എംപി ടി.ജി വെങ്കടേഷ് പറഞ്ഞു.   എന്‍. ഡി. എ. യിലെ രണ്ടാമത്തെ വലിയ പാര്‍ട്ടിയാണ് ടി ഡി പി.

Read More

വർഗീയ കലാപങ്ങളിലേർപ്പെട്ട ന്യൂനപക്ഷ വിഭാഗങ്ങളെ കേസുകളിൽ നിന്നും ഒഴിവാക്കി കർണാടക സർക്കാർ

കർണാടക അസംബ്ലി ഇലക്ഷൻ നടക്കാനിരിക്കെ കർണാടക സർക്കാരിന്റെ അസാധാരണമായ ഒരു സർക്കുലർ.   കഴിഞ്ഞ അഞ്ചുവർഷത്തിനുള്ളിൽ സംസ്ഥാനത്തു നടന്ന വർഗീയ പ്രക്ഷോഭങ്ങളിൽ വ്യക്തമായ തെളിവുകളില്ലാതെ പോലീസ് പേരു ചേർക്കപ്പെട്ട എല്ലാ ന്യൂനപക്ഷ വിഭാഗത്തിലെ വ്യക്തികളേയും പോലീസ് ചാർജിൽ നിന്നും ഒഴിവാക്കിയിരിക്കുന്നതായാണ് സർക്കുലർ.   കർണാടക ഡിജിപി നീലമണി രാജുവാണ് ഈ സർക്കുലർ പുറത്തിറക്കിയിരിക്കുന്നത്. കർണാടകയിൽ ഇപ്പോൾ സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാരാണ് ഭരിക്കുന്നത്.   ഏപ്രിൽ – മെയ് മാസങ്ങളിൽ അസംബ്ലി ഇലക്ഷൻ നടക്കാനിരിക്കെ, ഇത് പുതിയ വിവാദങ്ങളിലും ചർച്ചകളിലേക്കും വഴിതെളിക്കാം.

Read More

കോടിയേരിയുടെ മകന്റെ പണമിടപാട് വിവാദം ആളിക്കത്തിച്ച് ബി ജെ പിയും കോൺഗ്രസ്സും; ആരോപണം സർക്കാരിനെ ബാധിക്കുന്നതല്ലെന്ന് മുഖ്യമന്ത്രി

സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരിക്കെതിരേ ഉയര്‍ന്ന സാമ്പത്തിക തട്ടിപ്പ് കേസില്‍ രൂക്ഷ പ്രതികരണവുമായി പ്രതിപക്ഷ പാർട്ടികൾ രംഗത്ത്.   ബിനോയ് കോടിയേരി വിഷയം പ്രതിപക്ഷം ഇന്ന് സഭയില്‍ ഉന്നയിച്ചു. എന്നാല്‍ ബിനോയ് കോടിയേരിയുടെ പണമിടപാടില്‍ സര്‍ക്കാരിന് ഇടപെടാനാവില്ലെന്ന് മുഖ്യമന്ത്രി പറഞ്ഞു. . പ്രതിപക്ഷത്തിന്റെ ആരോപണത്തില്‍ അന്വേഷണം നടത്താനാവില്ലെന്നും മുഖ്യമന്ത്രിപറഞ്ഞു. ആരോപണം രാഷ്ട്രീയ പ്രേരിതമാകുന്നുവെന്നാണ് സ്പീക്കർ പറയുന്നത്.   പിണറായി വിജയന്റെ പ്രസ്താവനക്കെതിരെ പ്രതിപക്ഷ നേതാവ് രമേശ് ചെന്നിത്തല പ്രതികരിച്ചു. പണമിടപാടിലെ വാസ്തവം ജനങ്ങള്‍ അറിയണം. അന്വേഷിക്കില്ലെന്ന് പറയുന്നത് ജനാധിപത്യവിരുദ്ധവും ഖേദകരവുമാണ്. ധാര്‍മ്മികതയുണ്ടെങ്കില്‍ ഇക്കാര്യത്തില്‍ വിശദമായ അന്വേഷണം നടത്തുകയാണ് വേണ്ടത്. അന്വേഷണം ആവശ്യപ്പെട്ട് മുഖ്യമന്ത്രിക്ക് കത്തുനല്‍കുമെന്നും രമേശ് ചെന്നിത്തല വ്യക്തമാക്കി. മകന്റെ തട്ടിപ്പ് കോടിയേരിയുടെ അറിവോടെയാണെന്ന് രമേശ് ചെന്നിത്തല ആരോപിച്ചു. ലാളിത്യത്തെക്കുറിച്ച്‌ പറയുന്നവരുടെ മക്കളാണ് കോടികളുടെ തട്ടിപ്പ് നടത്തുന്നത്. വിദേശ മലയാളികളെ പോലും…

Read More

ചെങ്ങന്നൂരിൽ ഉപതെരഞ്ഞെടുപ്പിൽ മഞ്ജു വാര്യർ മത്സരിക്കുമെന്നു സൂചന

ചെങ്ങന്നൂരിൽ കെ കെ രാമചന്ദ്രൻ നായരുടെ നിര്യാണത്തെത്തുടർന്ന് നിയമസഭാ ഉപതെരഞ്ഞെപ്പിനു കളമൊരുക്കിയ സാഹചര്യത്തിൽ മഞ്ജു വാര്യരെ മത്സരിപ്പിക്കാൻ സി പി എം ശ്രമിക്കുന്നതായി ചില റിപ്പോർട്ടുകൾ. സാമൂഹിക വിഷയങ്ങളിലെ ഇടപെടൽ മൂലം മഞ്ജു വാര്യർ ഇതിനോടകം പൊതുസ്വീകാര്യത നേടിക്കഴിഞ്ഞിരിക്കുന്നു. പാർട്ടിയെ സംബന്ധിച്ചിടത്തോളം സിറ്റിംഗ് സീറ്റ് നിലനിർത്തേണ്ടത് ഇപ്പോഴത്തെ സാഹചര്യത്തിൽ അത്യാവശ്യമാണ്. ഈ സാഹചര്യത്തിൽ മഞ്ജുവിനെപ്പോലെയുള്ള ഒരു പുതുമുഖ സ്ഥാനാർഥിയാകും സി പി എം നു ഏറെ ഗുണം ചെയ്യുക.

Read More

ശിവസേന ബി ജെ പി സഖ്യം ഉപേക്ഷിക്കുന്നു; 2019ൽ ഒറ്റയ്ക്ക് മത്സരിക്കും.

മുംബൈ: ബി ജെ പി സഖ്യം വിടാൻ ശിവസേന തീരുമാനിച്ചു. 2019 ല്‍ നടക്കുന്ന നിയമസഭാ തിരഞ്ഞെടുപ്പില്‍ ഒറ്റക്ക് മത്സരിക്കാനാണു നീക്കം. ഇത് സംബന്ധിച്ചുള്ള പാർട്ടി പ്രമേയം ഇന്ന് ചേർന്ന ശിവസേനയുടെ ദേശീയ കൗൺസിൽ യോഗം അംഗീകരിച്ചു. ബിജെപിയുടെ നേതൃത്വത്തിലുള്ള സര്‍ക്കാര്‍ കേന്ദ്രത്തിലും സംസ്ഥാനത്തും പരാജയമാണെന്ന് പ്രമേയം കുറ്റപ്പെടുത്തി. 29 വർഷം നീണ്ട ശിവസേന-ബി.ജെ.പി ബന്ധത്തിനാണ് അന്ത്യമാകുന്നത്. 1989ലാണ് ശിവസേന ബി.ജെ.പിയുടെ സഖ്യ കക്ഷിയായത്.

Read More

മനഃപൂർവമുള്ള കയ്യേറ്റമല്ലെന്നു കോടതി; തോമസ് ചാണ്ടിക്ക് താൽക്കാലികാശ്വാസം

കായല്‍ കൈയേറ്റ കേസില്‍ മുന്‍മന്ത്രി തോമസ് ചാണ്ടിക്കെതിരെ ഉടന്‍ കേസെടുക്കേണ്ടെന്ന് ഹൈക്കോടതി. മനഃപൂർവം കയ്യേറിയെന്നു തെളിയിക്കാൻ നിലവിലുള്ള രേഖകൾ അപര്യാപ്തമാണെന്നാണ് കോടതിയുടെ കണ്ടെത്തൽ. കളക്ടർ ടി വി അനുപമയുടെ റിപ്പോർട്ടിൽ മാർത്താണ്ഡം കായലിൽ കയ്യേറിയെന്നു പറയുന്ന ഭാഗത്ത് വെള്ളം കെട്ടിക്കിടക്കുന്നതിനാൽ സർവേ നടത്താൻ കഴിഞ്ഞിട്ടില്ല. മൂന്നു മാസത്തിനുള്ളിൽ സർവേ നടത്തി റിപ്പോർട്ട് സമർപ്പിക്കാൻ കോടതി ഉത്തരവിട്ടു. അതിനുശേഷം എഫ് ഐ ആർ രജിസ്റ്റർ ചെയ്താൽ മതിയെന്നും കോടതി നിർദേശിച്ചു. അതേസമയം കൈനകരി പഞ്ചായത്തംഗം വിനോദും സി പി ഐ നേതാവ് മുകുന്ദനും തോമസ് ചാണ്ടിക്കെതിരെയുള്ള രണ്ടു കേസ്സുകൾ കോടതി തീർപ്പാക്കി. ചാണ്ടിക്ക് താൽക്കാലികാശ്വാസം നൽകുന്ന വിധിയാണ് ഇത്. എന്നാല്‍, ഹൈക്കോടതി വിധിക്കെതിരെ സുപ്രിംകോടതിയെ സമീപിക്കുമെന്ന് ഹരജി നല്‍കിയ വിനോദ് വ്യക്തമാക്കി.

Read More

ഹജ്ജ് സബ്‌സിഡി നിർത്തലാക്കി; വിവിധ നേതാക്കളുടെ പ്രതികരണങ്ങൾ ഇങ്ങനെ.

ഹജ് സബ്‌സിഡി കേന്ദ്രസർക്കാർ നിർത്തലാക്കി . 700 കോടി ഹജ് സബ്സിഡിയായി നൽകുന്നതാണ് നിർത്തലാക്കിയിരിക്കുന്നത് ഈ പണം മുസ്ലിം പെണ്കുട്ടികളുടെ ക്ഷേമത്തിനും വിദ്യാഭ്യാസപദ്ധതിക്കുമായി ഉപയോഗിക്കാനാണ് ലക്ഷ്യമിടുന്നത്. ഹജ് യാത്രയുടെ വിമാനക്കൂലിക്ക് സർക്കാർ വിമാനക്കമ്പനികൾക്ക് നൽകുന്ന സബ്സിഡിയാണ് ഹജ് സബ്സിഡിയെന്നു പൊതുവെ അറിയപ്പെടുന്നത്. എന്നാൽ ഇതിന്റെ പ്രയോജനം ഏജൻസികൾക്ക് മാത്രമായി ചുരുങ്ങി. ഇതാണ് സബ്‌സിഡി നിർത്താനുള്ള കാരണമെന്നാണ് കേന്ദ്രസർക്കാരിന്റെ വിശദീകരണം. 1974ൽ ഇന്ദിരാഗാന്ധി തുടക്കമിട്ടതാണ് ഹജ് സബ്‌സിഡി. സുപ്രീം കോടതിയുടെ നിർദേശപ്രകാരം അഞ്ചുവർഷമായി സബ്സിഡി ഘട്ടംഘട്ടമായി കുറച്ചുവരികയായിരുന്നു. 2022 നുള്ളിൽ സബ്‌സിഡി നിർത്താനായിരുന്നു നിർദേശം. ഹജ് സബ്സിഡി നിര്‍ത്താനുള്ള തീരുമാനത്തോട് എതിര്‍പ്പില്ലെന്ന് സംസ്ഥാന ഹജ് കമ്മിറ്റി അഭിപ്രായപ്പെട്ടു. സബ്സിഡി വേണമെന്ന് നിര്‍ബന്ധമില്ലെന്ന് സംസ്ഥാന ഹജ് കമ്മിറ്റി ചെയര്‍മാന്‍ പറഞ്ഞു. കഴിവുള്ളവര്‍ ഹജ് ചെയ്താല്‍ മതി, വിമാനക്കമ്പനികളുടെ കൊള്ള ഒഴിവാക്കണമെന്നും അദ്ദേഹം ആവശ്യപ്പെട്ടു. അതിനിടെ ഹജ് സബ്‌സിഡി നിർത്തലാക്കിയ തീരുമാനത്തിനെതിരെ…

Read More

മമതാ ബാനർജിക്കു കൽക്കട്ട സർവകലാശാലയുടെ ഡോക്ടറേറ്റ്

പശ്ചിമബംഗാൾ മുഖ്യമന്ത്രി ശ്രീമതി മമതാ ബാനർജിയെ, കൽക്കട്ട സർവ്വകലാശാല ഡിലിറ്റ് ബിരുദം നൽകി ആദരിച്ചു. സമൂഹനന്മയെ ലക്ഷ്യമാക്കിയുള്ള ജനസേവനങ്ങളുടെ ഔന്നത്യം മാനിച്ചാണ് ഡോക്ടറേറ്റ് നൽകിയിരിക്കുന്നത്. കൽക്കട്ട സർവ്വകലാശാലയുടെ വൈസ് ചാൻസലർ സോണാലി ചക്രബർത്തി, പശ്ചിമബംഗാൾ ഉന്നത വിദ്യാഭ്യാസ മന്ത്രി ശ്രീ പാർത്ഥ ചാറ്റർജി, തുടങ്ങിയവർ പങ്കെടുത്ത പ്രൗഢഗംഭീരമായ ചടങ്ങിൽ കൽക്കട്ടാ സർവ്വകലാശാല ചാൻസലർ കൂടിയായ ശ്രീ . കെ.എൻ ത്രിപാഠി ആണ് ഡോക്ടറേറ്റ് ബിരുദം മമതയ്ക്ക് സമ്മാനിച്ചത്. കൽക്കട്ട സർവ്വകലാശാലയുടെ സിന്ധികേററും, സെനറ്റും ചേർന്നെടുത്ത തീരുമാന പ്രകാരമാണ് മമതാ ബാനർജിക്ക് ഡോക്ടറേറ്റ് നൽകിയത്. അതേസമയം മമതയ്ക്ക് ഡോക്ടറേറ്റ് നൽകുന്നതിനെതിരെ പ്രതിപക്ഷപാർട്ടികൾ ശക്തമായി രംഗത്തുണ്ട്.

Read More