പഴയ ഊര്‍ജ്ജം തനിക്കില്ലെന്ന് മെസി; ശരീരത്തിന്റെ തളര്‍ച്ച മനസിലാക്കി തുടങ്ങിയിരിക്കുന്നു

കഴിഞ്ഞ രണ്ടു ചാമ്പ്യന്‍സ് ലീഗ് മത്സരങ്ങളിലും ബാഴ്‌സലോണയുടെ ആദ്യ ഇലവനില്‍ തന്നെ ഉള്‍പ്പെടുത്താത്തിനോട് പ്രതികരിച്ച് ലയണല്‍ മെസി. ബെഞ്ചിലിരിക്കുന്നതില്‍ തനിക്കു യാതൊരു പ്രശ്‌നവുമില്ലെന്നും പഴയ ഊര്‍ജ്ജം തനിക്കില്ലെന്നും മെസി പറഞ്ഞു. അര്‍ജന്റീനിയന്‍ മാധ്യമം ടിവൈസി സ്‌പോര്‍ട്‌സിനു നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. കഴിഞ്ഞ സീസണില്‍ എന്റിക്വയുടെ കീഴില്‍ സീസണിലെ ഏറെക്കുറെ എല്ലാ മത്സരങ്ങളും മെസി കളിച്ചിരുന്നു. എന്നാല്‍ കഴിഞ്ഞ രണ്ടു ചാമ്പ്യന്‍സ് ലീഗ് മത്സരങ്ങളില്‍ വാല്‍വെര്‍ദേ താരത്തെ ബെഞ്ചിലിരുത്തിയതില്‍ ആരാധകര്‍ ആശങ്കയിലായിരുന്നു. ഇതിനെ പറ്റി ചോദിച്ചപ്പോഴാണ് മെസി ഇതു പറഞ്ഞത്. സീസണ്‍ വളരെ വലുതാണെന്നും അതു കൊണ്ടു തന്നെ ഇത്തരം തീരുമാനങ്ങള്‍ താന്‍ അംഗീകരിക്കുന്നുവെന്നും മെസി പറഞ്ഞു. മുന്‍പ് എത്ര മത്സരങ്ങള്‍ കളിക്കാനും പ്രശ്‌നങ്ങള്‍ ഇല്ലായിരുന്നുവെന്നും എന്നാല്‍ ഇപ്പോള്‍ തന്റെ ശരീരത്തിന്റെ തളര്‍ച്ച താന്‍ മനസിലാക്കി തുടങ്ങിയിട്ടുണ്ടെന്നും മെസി വെളിപ്പെടുത്തി. വരാന്‍ പോകുന്ന ലോകകപ്പില്‍ അര്‍ജന്റീന…

Read More

ഗോളടിക്കാനുള്ള അവസരം ഇങ്ങനെയാരും പാഴാക്കിയിട്ടുണ്ടാകില്ല; തലയില്‍ കൈവെച്ച് കോച്ച്

ഫുട്‌ബോളിലായാലും ക്രിക്കറ്റിലായാലും മത്സരത്തിനിടെയില്‍ അബദ്ധങ്ങള്‍ സംഭവിക്കുന്നത് സ്വാഭാവികമാണ്. ഇന്നലെ ചെല്‍സിയുമായി നടന്ന മത്സരത്തില്‍ സ്വാന്‍സീ സിറ്റി താരമായ റെനാറ്റോ സാഞ്ചസിന്റെ മണ്ടത്തരമാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്. ചെല്‍സി കളിക്കാര്‍ ആരും താരത്തെ പ്രതിരോധിക്കാന്‍ വരാതെ സ്വതന്ത്രമായി നില്‍ക്കുമ്പോഴാണ് സാഞ്ചസിന്റെ ഈ മണ്ടത്തരം. ചുറ്റും നോക്കിയ ശേഷം താരം നേരെ പന്തു പരസ്യബോര്‍ഡിനു നേര്‍ക്ക് തട്ടിത്തെറിപ്പിക്കുകയായിരുന്നു. കിളി പോയ പോലെയാണ് താരം ഗ്രൗണ്ടില്‍ പെരുമാറിയതെന്നായിരുന്നു സോഷ്യല്‍ മീഡിയയുടെ പ്രതികരണം. എന്നാല്‍ ശരിക്കും ചുവന്ന കളര്‍ പരസ്യ ബോര്‍ഡ് കണ്ട് താരം തെറ്റിധരിക്കയാണുണ്ടായത്. സാഞ്ചസിന്റെ പ്രകടനം കണ്ട് സ്വാന്‍സീ കോച്ചിന് ആദ്യം ദേഷ്യം വന്നെങ്കിലും പിന്നീട് തലയില്‍ കൈവെച്ച് നില്‍ക്കുകയാണ് ചെയ്തത്. മാനേജര്‍ കോന്റേക്ക് ചുവപ്പു കാര്‍ഡ് കിട്ടിയ മത്സരത്തില്‍ റുഡിഗര്‍ നേടിയ ഒരേയൊരു ഗോളില്‍ ചെല്‍സി സ്വാന്‍സീക്കെതിരെ വിജയിച്ചു.

Read More

ഐപിഎല്‍ മത്സരങ്ങളുടെ സമയക്രമം മാറ്റാനൊരുങ്ങി ബിസിസിഐ

ഡല്‍ഹി : ഐപിഎല്‍ മത്സരങ്ങളുടെ സമയക്രമം മാറ്റുന്നത് ബിസിസിഐ പരിഗണിക്കുന്നു. കഴിഞ്ഞ സീസണുകളെ അപേക്ഷിച്ച് ഇത്തവണ മത്സരം തുടങ്ങുന്നത് ഒരു മണിക്കൂര്‍ നേരത്തെയാക്കാനാണ് ബിസിസിഐ ആലോചിക്കുന്നത്. ഇതുസംബന്ധിച്ച പുതിയ നിര്‍ദ്ദേശം ഐപിഎല്‍ ഭരണസമിതിയോഗത്തില്‍ ഐപിഎല്‍ ചെയര്‍മാന്‍ രാജീവ് ശുക്ല മുന്നോട്ടുവെച്ചു. പുതിയ നിര്‍ദ്ദേശമനുസരിച്ച് ഐപിഎല്‍ മത്സരം തുടങ്ങുന്നത് രാത്രി എട്ടുമണി എന്നതിന് പകരം ഏഴു മണിക്കും, ഉച്ചയ്ക്ക് ശേഷമുള്ള സമയക്രമം നാലു മണി എന്നതിന് പകരം മൂന്നു മണിയാക്കാനുമാണ് ബിസിസിഐ ആലോചിക്കുന്നത്. ഈ നിര്‍ദ്ദേശം ഫ്രാഞ്ചൈസികള്‍ അംഗീകരിച്ചിട്ടുമുണ്ട്. എന്നാല്‍ മത്സരങ്ങള്‍ സംപ്രേക്ഷണം ചെയ്യുന്ന സ്റ്റാര്‍ ഇന്ത്യയുടെ കൂടി സമ്മതത്തോടെ മാത്രമെ പുതിയ സമയക്രമം നടപ്പാക്കുവെന്നാണ് ബിസിസിഐ പറയുന്നത്. മത്സരങ്ങള്‍ അര്‍ദ്ധരാത്രിയിലേക്ക് നീളുന്നത് കാരണം പല സാങ്കേതികബുദ്ധിമുട്ടുകള്‍ക്കും ഇടയാക്കുന്നുണ്ടെന്നാണ് ഐപിഎല്‍ ഭരണസമിതി വിലയിരുത്തുന്നത്. സൂപ്പര്‍ ഓവര്‍, മഴ എന്നിവ കാരണം മല്‍സരം വൈകുന്നത് കാഴ്ചക്കാരെ ബുദ്ധിമുട്ടിലാക്കുന്നുണ്ട്. കൂടാതെ രാത്രിയിലെ…

Read More